1,083 Бардыгы /

ЖАЛАЛ-АБАД. Базар-Коргон районунун аймагында милиция тарабынан “Укук тартип” аталышындагы ыкчам алдын алуу иш-чарасы өткөрүлдү.

Жалал-Абад ОИИБдин басма сөз кызматы билдиргендей, иш-чаранын алкагында райондо жайгашкан базарларда, мал базарларда, дүкөн жана соода кылуучу жайларда түшүндүрүү иштери жүргүзүлдү.

Милициянын көчмө кабылдама унаасында кайрылган жарандарга жеринде юридикалык кеңештер берилди. Мал союлуучу жайларда атайын кызматтардын уруксаты жок жана уурдалган мал жандыктардын союлушуна жол берилбөөсү керектиги эскертилди.

Кыргыз Республикасынын Президентинин 2023-жылдын 23-декабрындагы №404 “Кумар оюндарын уюштуруу жана өткөрүү, мыйзамсыз ишке бөгөт коюу чаралар жөнүндө” Жарлыгынын талаптарын аткаруу максатында соода-сатык жайларда, базарларда, компьютердик клубдарда жашыруун кумар оюндарын, мыйзамсыз оюн автоматтарынын орнотулушуна  жол бербөө  боюнча  алдын алуу текшерүү иштери жүргүзүлдү.

Жалпысынан иш-чара учурунда 350 кожолук текшерилди. Анын ичинен 1800атуул, 1 мейманкана, 12 автобекеттер, 25 автоунаа оңдоочу жайлар көзөмөлгө алынды. Оперативдик анализден 10 атуул өткөрүлүп, 5 атуулга маалымат издөө картасы толтурулуп, РИИБдин профилактикалык каттоосунда турган 35 атуул менен тийиштүү иш-чаралар жүргүзүлдү.

Рейддин жүрүшүндө 6 уурулук кылмышынын бети ачылып, укук бузган 35 атуулга протоколдор толтурулуп, тийиштүү чечимдер кабыл алынды.