1,248 Бардыгы /

ЖАЛАЛ-АБАД. Кечээ, 6-февралда Жалал-Абад шаардык мэриясында жыл жыйынтыгын чыгараган коллегиялык кеңешме өттү.

Жалал-Абад шаардык мэриясынын маалымат борбору билдиргендей,

Колегиялык кеңешмеге КРдин Президентинин Жалал-Абад облусундагы ыйгарым укуктуу өкүлү Абсаттар Сыргабаев, шаар мэри Эрнисбек Ормоков, мэрдин орун басарлары, ички иштер бөлүмүнүн башчысы Алмазбек Кубатбеков жана шаардагы мекеме-ишканалардын жетекчилери катышты.

 Жалал-Абад шаарына 2021-жылы 4 млрд. 300 млн. сом инвестиция келген болсо, 2022-жылы 7 млрд. 604 млн. сом инвестиция тартылды. Шаарда 2022-жылы 158 ишкана ачылып, 1382 жумуш орду түзүлдү. Бул жылы өткөн жылга салыштырмалуу 54 ишкана көп ачылып, миңден ашуун жумуш орун да көп түзүлдү.

2022-жылда өнөр жай ишканалары тарабынан 6 млрд. 817,3 млн. сомдук продукция өндүрүлүп, өткөн жылдын ушул мезгилине салыштырмалуу 1 млрд. 609,5 млн. сомдук продукция көп өндүрүлдү.

Коллегияда мэрдин орун басарлары жана бөлүм башчылар тарабынан 2022-жылда аткарылган иштер, көрсөткүчтөр боюнча маалымат берилип, суроо-жооптор менен коштолду.

Шаар мэри Эрнисбек Ормоков билим берүү бөлүмүнүн жетекчилигинен 2022-2023-окуу жылындагы бүтүрүүчүлөрдүн “Өзгөчөлөнгөн күбөлүк”, “Алтын сертификат”, “Алтын тамга” алуусуна шарт түзүп берүү, ЖРТдан бардык мектептепдин көрсөткүчтөрүн жогорулатуу тапшырмасын берди. Ошондой эле “Жалал-Абадсууканал” башкармалыгынан башка мэриянын коммуналдык мекемелеринин жетекчилерине сөгүш, бир топ жетекчилерге эскертүү берди. Мэр кошумчалагандай 6 айдын жыйынтыгы менен жумушун тарта албаган жетекчилердин кызмат орду каралат.