909 Бардыгы /

ЖАЛАЛ-АБАД. Бүгүн, 6-февраль күнү, Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев Жалал-Абад шаарындагы Ю. Абдырахманов жана борбордук Ленин көчөсүндөгү инфраструктуралык абал, жол жээгиндеги архитектуралык курулуштар жана санитардык тазалыктын сакталышын текшерүүгө алды.

Облус башчысы аталган көчөлөрдө тургундарга жаралган бир катар кемчиликтерди белгиледи. Бул багыттагы калаа мэринин жана шаардагы коммуналдык кызматтын жетекчилеринин ишин сынга алды. Жол жээгиндеги курулуштардын менчигинин түрүнө карабай архитектуралык талапка ылайык келтирүү, калк үчүн ыңгайлуу шарттарды түзүү зарылдыгын эскертип, аткаруу боюнча белгилүү мөөнөттөрдү койду. Алдыда тапшырмалардын аткарылышын жеке көзөмөлүнө алаарын айтты.

Өкүл кыдыруунун жүрүшүндө шаардын борбордук бөлүгүндө жайгашкан жер асты өтмөгүнүн абалын карады. Жергиликтүү бийликке өтмөктү оңдоп-түзөөдөн өткөрүү, жакынкы аралыкта курулушундагы кемчиликтерди жөнгө салууну тапшырды.