846 Бардыгы /

БИШКЕК. Кечээ, 3-апрелде Жогорку Кеңештин социалдык саясат боюнча комитетинин кезектеги жыйынында бир эле учурда үч же андан көп бала төрөлгөн үй-бүлөлөргө бир жолку «балага сүйүнчү» төлөмүн берүү сунушун камтыган токтом долбоору каралды.

Сунуш Жогорку Кеңештин депутаттары Максатбек Сарбагышев, Нурбек Алимбеков жана Мирлан Самыйкожо тарабынан берилген.Депутат Максатбек Сарбагышев өлкөдө акыркы 10 жыл ичинде үч эм төрөлгөн  балдардын саны 151 болсо, 5 үй-бүлөдө төрт эм  төрөлгөнүн белгиледи. Андыктан сунушталып жаткан токтом долбоору аркылуу үч же андан көп бала төрөлгөн үй-бүлөлөргө 500 миң сомдон бир жолку акчалай жардам берүү демилгеленгенин айтты. Талкуу маалында тиешелүү министрликтердин өкүлдөрү да сунушту колдоп, комитет тарабынан токтом долбоору кабыл алынды.

WWW.