990 Бардыгы /

ОШ. Ош мамлекеттик университетинин “Ак-Буура” эс алуу жана реабилитациялоо борборунун курулушу башталды. Капсула салуу аземине окуу жайдын ректору, профессор Кудайберди Кожобеков баштаган профессордук-окутуучулук курамы катышышты.

• Борбор жалпысынан эки кабаттан куралат. 1-кабатында дарылоочу,

ден соолукту калыбына келтирүүчү, эс алуучу бөлмөлөр, ал эми 2-кабатында жайкы жана кышкы лагерлерге ылайыкташкан заманбап конференц-залдар жайгашат. Борбордун тышында бассейн, кичи футбол аянтчалары, балдар ойноочу аянтча жана дагы заманбап ашкана курулат. Имараттын курулушу үч ай аралыгында аяктайт . Пайдаланууга тапшырылса, аталган аймакта эс алуу менен биргеликте конференция, семинарларды, жыйындарды өткөрүүгө мүмкүнчүлүк түзүлөт, – деп кошумчалады ОшМУнун ректору, профессор Кудайберди Кожобеков.

Ошентип, буга дейре аталган аймакта окуу жайдын “Үмүт” эс алуу жайы жайгашкан эле.

Алишер ТОКСОНБАЕВ, өз кабарчы