558 Бардыгы /

          ОШ. Ноокат районунун Кайрагач айылында “Унаа” мамлекеттик мекемесинин филиалы ачылды. Бул туурасында аталган райондун акими Данир Иманалиев билдирди.

Маалыматка караганда, Кайрагач айылы райондун борборунда жайланышкандыктан, филиал Ноокат районунун бардык тургундары үчүн дагы жеткиликтүү эсептелет.

• Аталган филиал бир жума мурун тесттик режимде иштей баштаган

жана бул кыска убакыттын ичинде 150 автотранспортту каттоо жана кайра каттоо иштери жүргүзүлдү, – деп кошумчалады Ноокат районунун акими Данир Иманалиев.

Ошентип, мындан тышкары, Ош облусунун аймагында “Унаа” мамлекеттик мекемесинин дагы эки филиалы ачылышы күтүлүүдө.

Алишер ТОКСОНБАЕВ, өз кабарчы