909 Бардыгы /

БАТКЕН. Президенттин Баткен облусундагы ыйгарым укуктуу өкүлү Абдыкарим Алимбаев БУУнун Өнүктүрүү Прогаммасынын Кыргызстандын туруктуу өкүлүнүн орун басары Моника Ризал менен жолугушту.

Өз ара жолугушуу маалында тараптар Баткен облусу менен БУУнун Өнүктүрүү Прогаммасынынар тараптуу кызматташтыгы туурасындагы маселелерди кенен-чонон талкуулашты. Өзгөчө экономикалык туруктуулукка басым жасоону өз ара кубатташты.

• БУУнун Өнүктүрүү Прогаммасы мындан ары Баткен облусунун

өнүгүүсүн толук бойдон кубаттайт. Биз алдыда эки чоң стратегиялык планды ийгиликтүү жүзөгө ашырмакчыбыз. Биринчиси – Баткен облусуна комплекстүү жардам берүү. Ал эми экинчиси – жашыл климат долбоору. Бул айыл чарба багытындагы суу көйгөйлөрүн ичине камтыйт, – деп баса белгиледи өз сөзүндө БУУнун Өнүктүрүү Прогаммасынын Кыргызстандын туруктуу өкүлүнүн орун басары Моника Ризал

Ал эми Баткен облусунун башчысы Абдыкарим Алимбаев Баткен облусун 2035-жылга чейин өнүктүрүү программасы кабыл алынгандыгын, аны ийгиликтүү жүзөгө ашырууда БУУнун Өнүктүрүү Программасы менен абдан тыгыз кызматташтыкта иш алып баруу максатталгандыгын дагы баса белгиледи. Ал ошондой эле аталган программанын алкагында аймактагы адистердин кесиптик дареметин дагы жогорулатуу, инвестициялык форумдарды өткөрүү, ошондой эле эксперттердин колдоосун тартуу зарылдыгын баса белгиледи.

Алишер ТОКСОНБАЕВ, өз кабарчы