777 Бардыгы /

Ош жана Жалал-Абад шаарларында жаңы аэропорттор курулат. Бул тууралуу президенттик администрациядан кабарлашты.

Долбоорго ылайык, бул бардык эл аралык стандарттарга жана коопсуздук талаптарына жооп берген жаңы тилкелерде курулган толук кандуу аэропорттор болот.

Маалыматка караганда, азыркы аэропорттордун ордуна заманбап көп кабаттуу турак жайлар курулат. Андагы батирлер жарандарга Мамлекеттик ипотекалык компания аркылуу жеңилдетилген шартта ипотекага берилет.

Учурдагы “Ош” эл аралык аэропортунун аймагынын жалпы аянты 168 гектарды, “Жалал-Абад” аэропортунуку 78,2 гектарды түзөт.

“Ош” эл аралык аба майданы – Кыргызстандагы экинчи чоң аэропорт, анын имараты 1974-жылы курулган жана анда 900дөн ашык киши иштейт. Аэропорт жумасына 160ка жакын каттамды уюштурат. Азыркы аэропорт Ош шаарынан тогуз чакырым алыстыкта жайгашкан.

“Жалал-Абад” аэропорту ички каттамдарды гана ишке ашырат. 2018-жылы оңдоп-түзөө иштери жүргөн.

WWW.