1,242 Бардыгы /

          ОШ. Ош обулусуна караштуу Кара-Суу районунун эң алыскы Кожо-Келең айылында жер көчкү кооптуулугу бар аймактан көчүрүлгөндөр чатыр менен камсыз этилишти. Бул туурасында Өзгөчө кырдаалдар министрлигинен кабарлашты.

          Маалыматка караганда. Кара-Суу районунун Папан айыл өкмөтүнүн кайрылуусунун негизинде соңку сааттарда Өзгөчө кырдаалдар министрлиги тарабынан 10 орундуу 6 даана чатыр бөлүнүп берилип, коопсуз жерге орнотулуп берилди. Мындан тышкары Улуттук Кызыл Ай коому тарабынан дагы ар бир үй-бүлөгө күнүмдүк керектелүүчү эмеректер (идиш, кир жуучу каражаттар, жылытуу меши жана жууркан-төшөктөр) жеткирилип берилди.

          Эскерте кетчү жагдай: акыркы кезде аталган айылда эски жер көчкү көчкү кайрадан жылышып жаткындыгына байланыштуу көчкү алдында калуу коркунучу бар 5 турак үйдөн 39 жаран коопсуз жайга эвакуацияланган. Жер көчкү кайрадан активдешип, жер кыртышы 12-13 метрге чейин отура баштаган. Жер көчкүнүн болжолдуу көлөмү 100 00 м3 түзүүдө.

          Алишер ТОКСОНБАЕВ, өз кабарчы