1,161 Бардыгы /

БАТКЕН. Баткен облусунун Кадамжай районундагы Айрыбаз Айыл Өкмөтүнүн башчысы, анын орун басары жана  жер адиси айыл чарба багытындагы жер аянттарын тууган-уруктарына жана дагы тааныштарына энчилегендиги акыры ырасталды. Ошондуктан, УКМК булардын үстүнөн кылмыш ишин козгоду.

          Ошентип, Кадамжай районуна караштуу Айрыбаз айыл өкмөтүнүн токтомуна ылайык 95 гектар жер 581 Кыргыз жаранына бөлүштүрүлүп берилген. Дыкаат териштирүүнүн жүрүшүндө жер тилкелерин бөлүштүрүүдө аталган Айыл Өкмөттүн аймагында жашабаган туугун-уруктарына, ошондой эле район деңгээлиндеги кызмат адамдарына дагы ыйгарылып кеткен фактылар ырасталды. Ошондуктан, Кадамжай районунун Айрыбаз Айыл Өкмөтүнүн башчысы К. Т. нын, анын орун басары И. И. нын жана  жер адиси А. А. нын үстүнөн Кыргыз Республикасынын Кылмыш-Жаза кодексинин 337-беренеси боюнча («Кызмат абалынан кыянатчылык менен пайдалануу»)  кылмыш иши козголуп, аталгандар убактылуу жумушунан дагы бошотулушту.

          Айтмакчы, жогорудагы кылмыш жоруктары ушул тапта Баткен облусунун Кадамжай райондук сотунда дыкаат каралып жаткан чагы.

Алишер ТОКСОНБАЕВ, өз кабарчы