978 Бардыгы /

          Айтмакчы, Эл аралык Ош-Баткен-Раззаков автоунаа жолунда күнү-түнү ар түрдүү техникалардын аягы дагыле таптакыр үзүлбөйт. Ошого карабастан бул трассада жолчулар күнү-түнү тынымсыз иштешип жатышат.

                                                 Падышалар жолду көрүшпөйт,

                                                 Көрсө дагы көңүл бөлүшпөйт…

                                                 Элден.

          Адегенде жолдо баратып Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу Ноокат районундагы №37-жолдорду тейлөө ишканасына акырын баш бактык.

-Оштон бери келатып жол ката көрбөдүңүздөрбү. Таң аткандан каш карайганга дейре баш көтөрүшпөстөн иштеп жатышкандар – биздин жолчуларыбыз! – деп сыймыктангандыгын жашырган жок Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу Ноокат районундагы №37-жолдорду тейлөө ишканасынын директору Абдипатта Абдижалил уулу.

– Биздин ишканабызда25 киши эмгектенет. Техникаларабыз бүт эбак эскирип бүткөн. Бири дагы жаңылана элек. Ошентсе дагы 1 эксковаторду, 1 КАМАЗды, 1 грейдерди, 1 манипуляторду, 1 Ниваны биздин мекеме дагыле эптеп пайдаланып келатабыз. Баса, биздин №37-жолдорду тейлөө ишканасы Эл аралык маанидеги 47 чакырым, республикалык даражадагы 64 чакырым, ал эми ички 326 чакырым жолдорду тынымсыз тейлеп жаткан чагыбыз. Кендирибизди куп кескени: Эл аралык жана республикалык маанидеги жолдорубузду ыкчам  жана дагы сапаттуу тейлегенге биздин заманбап техникаларыбыз дээрлик жок!

          Ошентсе дагы, Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу ДСУ-2нин (экинчи жол курулуш башкармалыгынын) жолчулары таптакыр тыным билишпестен күпүлдөп гана иштеп жатышканда жолуктук.

-Ишибиз жаман эмес! Ошого жараша маянабыз дагы кудайга шүгүр! – деди Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу экинчи жол курулуш башкармалыгынын айдоочусу Самат АДИНАЕВ.

– Жетекчилерибиз деле бизден күн сайын кабар алышып, ал-акыбалыбызды тынбай сураштырып турушат.

-Азыркы рынок заманында жумуш табуу ого бетер кыйындабадыбы. Ошого караастан эбин таап Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу экинчи жол курулуш башкармалыгынын жетекчилери бизди туруктуу иш менен камсыз этип келатышат. Мүмкүнчүлүктөн пайдаланып, мен буларга терең ыраазычылыгымды гана билдирем! – деп кепке аралашты Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу экинчи жол курулуш башкармалыгынын эксковаторчусу Шакиржан РЫСКУЛОВ.

– Тамак-аш масеселесинде дегеле көйгөй жок! Күн сайын эки маал ысык оокат ичип турабыз.

– Буга дейре 13 чакырым автоунаа жолун жаңылап бүттүк, – деп кепке кошулду Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу экинчи жол курулуш башкармалыгынын башкы инженери Өмүрбек ОРОЗМАТОВ.

– Быйыл Ош-Баткен-Раззаков автоунаа жолунун 33 чакырымы бүтүндөй тегизделип, баарына тең асфальт төшөлөт. Ал эми келерки жылы дагы бул аркетибизди дагы ырааттуу түрдө улантабыз. Мамлекеттик тапшырманы өз убактысында жана дагы  сапаттуу аткаруу – биздин түздөн-түз милдетибиз!

          Мен бул сүрөттүү шырбаянымдын башында “Падышалар жолду көрүшпөйт, Көрсө дагы көңүл бөлүшпөйт…” деген эл сөзүн бекеринен эпиграф сыңары пайдаланган жокмун. Анткени, Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу Ноокат районундагы №37-жолдорду тейлөө ишканасынын жана дагы Кыргыз Республикасынын транспорт жана коммуникация министрлигинин Ош-Сары-Таш-Эркеч-Там автожол башкармалыгына караштуу экинчи жол курулуш башкармалыгынын алдыңкы кызматкерлерине президентибиз Садыр Жапаров мамлекеттик сыйлыктарды ыйгарса дагы аздык кылаарына бекем ишендим…

          Алишер ТОКСОНБАЕВ, өз кабарчы, Ош облусу