891 Бардыгы /

ЖАЛАЛ-АБАД. Бүгүн 3-июлда Жалал-Абад ОИИБдин имаратында өзүнүн кызматтык милдеттерин ак ниеттүүлүк менен аткаргандыгы үчүн бир катар кызматкерлер ИИМдин медалдары, Жалал-Абад ОИИБдин ардак грамоталары менен сыйланышты.

Жалал-Абад ОИИБдин басма сөз кызматы билдиргендей, ошондой эле ИИМдин жол кыймылынын коопсуздугун камсыздоо кызматынын түзүлгөндүгүнүн 87 жылдыгы жана Кыргыз Республикасынын медицина кызматкерлеринин кесиптик майрамы белгиленди.

Жалал-Абад ОИИБдин башчысы Жеӊишбек Абитов кызматкерлерди кесиптик майрамдары менен куттуктап, иштерине ийгиликтерди каалады. Ошондой эле жол кырсыктарынын алдын алууда, профилактика иштерин жүргүзүүдө, кызматкерлердин ден соолугуна кам көрүүдө талыкпастан эмгектенүүгө чакырды.