717 Бардыгы /

          ОШ. Кыргызстандын Түштүк башкалаасынын мэри Бакытбек Жетигенов «Ош-Тазалык» адистештирилген муниципалдык ишканасына заманбап техникалардын жети жаңы түрүн пайдаланууга тапшырды.

          Ошентип, аталган техникалар «Ош-Тазалык» адистештирилген муниципалдык ишканасынын өндүрүштүк кубаттуулугун гана көтөрбөстөн, мындан ары иштин  сапатын дагы ого бетер жогорулатмакчы. Ошондой эле калаада тазалыктын такай сакталышына жана жумушчулардын дагы мындан ары мыкты иштөөсүнө гана өбөлгө жаратмакчы.

          Кыскасы, мындан ары Dongfeng үлгүсүндөгү эки даана атайын техника көчөлөрдү жууйт жана акыр-чикирден арылтат. Дагы эки атайын автомобиль 6 м3 көлөмдөгү акыр-чикирлерди жыйнаганга гана бекем ылайыкташкан. Эки техника бир тонналык электротрициклди көтөргөнгө жарамдуу. Дагы бир электрлешкен трицикл таштандыны сыртка ташып чыгарат. Ал эми  30 комплект көчө шыпыргычтарга таштанды челектерин көтөргөнгө жана дагы андан ары аянттрды катарынан мизилдетип шыпырганга такай көмөктөшөт.

Алишер ТОКСОНБАЕВ, өз кабарчы