630 Бардыгы /

          Жашырып не. Быйылкы жайда (июнь, июль жана август айларында) Араван өрөөнүн дагы кургакчылык гана тегиз каптап, суу таңкыстыгы олуттуу көйгөйдү жаратты. Ошондуктан, Араван райондук мамлекеттик акимчилигинин алдында атайын штаб түзүлүп, күн сайын Айыл Өкмөттөрүнө жана дагы СПАлардын (суу пайдалануучулар ассоцациялардын) башчыларына протоколдук тапшырмаларды берип, ошондой эле булардын аткарылышын өтө тыкыр талап кылып жаткан чагы.

• Араван-Сай дарыясынан – 6358 гектар, Ак-Буура дарыясынан –

2993 гектар, Түштүк Фергана каналынан (ЮФКдан) – 2212 гектар, Керкидон суу сактагычынан – 2102 гектар, Найман суу сактагычынан – ТМР каналы аркылуу – 6336 гектар жана Исфайрам каналынан – 525 гектар сугат аянттарын ушул 5 система аркылуу сугат суу менен толук кандуу камсыз этилет, – деди Араван райондук суу чарба башкармалыгынын жетекчиси Мунасидин АСКАРОВ.

          Тилекке каршы, быйылкы кургакчылык жана дагы ушуга улай суунун өтө таңкыстыгы, жашырып не, эгин-тегин талааларын сугарууда олуттуу гана кыйынчылыктарды жаратып олтурат. Ошондуктан Араван районундагы Чек-Абад жана Санталат Юсупова атындагы Айыл Өкмөттөрүнүн дыйкандары жана фермерлери райондук акимчиликтин алдына чыгышып, бийликтен сугат сууну катуу талап кылышты. Буга улай райондогу Керме-Тоо Айыл Өкмөтүнүн тургандары дагы Президенттин Ош облусундагы Өкүлчүлүгүнө дейре барышып, Бийликке аябай арызданып-даттанышты.

• Ошол себептүү Чек-Абад жана Санталат Юсупова атындагы

Айыл Өкмөттөрүнө караштуу кыштактарды кезектешип ичүү (ооран) эрежеси аргасыздан киргизилип, ошого жараша суу дагы агызылып жатты. – деп кайрадан кепке кошулду Араван райондук суу чарба башкармалыгынын жетекчиси Мунасидин АСКАРОВ.

– Бирок, соңку сааттарда суунун көлөмү дагы кескин түрдө азайгандыктан, Кызыл-Абад, Интернационал, Сүткор жана Октябрь айылдарынын жашоочулары кайрадан Араван райондук акимчилигинин алдына нааразычылык акциясына чыгышты.

          Анткени менен Папан суу сактагычынан кирген суу 42,73 метр куб болсо, ушул тапта ал 33,13 метр кубга дейре төмөндөдү. Бул аралыкта Ноокат районундагы Найман суу сактагычындагы авариянын кесепетинен 20 метр куб суу аргасыздан Араван-Сай дарыясына агызылды. Бу дагы сууга муктаждыкты ого бетер көбөйтүп таштады.

          Соңку тапта президенттин Ош облусундагы Өкүлчүлүгүнүн, ошондой эле Араван жана Ноокат райондорунун мамлекеттик акимчиликтеринин түнздөн-түз көмөгү аркасында Ноокаттагы Кыргыз-Ата каналынан суу Аравандагы Араван-Сайга атайылап үч күнгө бурулуп агызылды. Ушул күндөрү дыйкандарга жана фермерлерге ынтмакчылыкты бекем сактап, сугат сууну сарамжалдуу пайдалануу аракети аябай активдештирилди.

Алишер ТОКСОНБАЕВ, өз кабарчы, Ош облусу