6 Бардыгы /

Кыргызстандын Түштүк башкалаасынын жаңы мэри Жеңишбек ТОКТОРБАЕВ шаардын булу-бурчун таң заардан чекесинен зерикпестен командасы менен кыдырып, калааны биротоло теске салууну ушул тапта ыраса активдештирди. Бул туурасында коомдук ишмер Камчы ТӨРӨЕВдин дагы ой-пикирин кенен-чонон сурамжыладык.

-Камчы мырза, Сизди жарандык активист сыңары

билебиз. Андыктан, Ош шаарынын жаңы мэри Жеңишбек Токторбаевдин соңку кадамдары Сизди чоочулаткан, же жийиркенткен жоокпу?*

-Жо-жок! Жашырып не. Мүмкүнчүлүктөн пайдаланып айтып

коюуга тийишмин, Ош шаары соңку жылдарда мэрге жарыган жок! Бактыбызга Жогорку Кеңештин депутаты Жеңишбек Токторбаев калаа башчылыгына капысынан дайындалып, эң башкысы адегенде эле калаабызда темирдей тартипти бекер орнотуп жаткан чагы. Муну, албетте, шаар тургандары дагы милдеттүү түрдө сөзсүз колдоосу кажет!

-Эмнеге? Чакан-үлкөн соода түйүндөрү, кафе-ресторандар

чекесинен буздурулуп, катарынан талкаланып жатпыбйы? Мунун айынан миңдеген адамдар жумушсуз дагы калышты?

Кыргызстандын ар бир жараны кызматына карбастан мыйзам

алдында бирдей укуккка эгедер. Ошого жараша милдети дагы бар. Жанагыл Сиз тизмектеген чоң-кичине соода түйүндөрүнүн, кафе-ресторандардын кожоюндары, кечиресиз, жалаң гана күркүлдөр. Буларлын көзүн тез эле май басып, а түгүл Кудайдан деле коркпой калышкан. Аймактарды алар каалагандай ээлешип жана чоңойтуцуп, кызыл сызыкты дегеле көзгө дагы илишкен эмес!  Ошондуктан, арам пулга – мыйзамсыз жол менен пайдага туйтунгандарга Жеңишбек Токторблаев, албетте, жакпайт!

Бирок, жарандык коом Ош шаарынын учурдагы мэри Жеңишбек Токторбаевдин ушул тапта ырааттуу жүргүзүп жаткан заманбап саясатын толук кандуу колдоого гана тийишпиз! Биринчиден, башаламанга айланган калаабыз чекесинен ирээтке келтирилип гана жатат. Экинчидиен, заманбап заңгыраган автоунаа жолдору жана дагы көпүрөлөр курулуп атпайбы. /чүнчүдөн. муниципалдык жана мамлекеттик жаңы турак жайлар салынып, бул аркылуу башпаане – үй маселеси бара-бара жайгарылуу деңгээлинде турат. Демек, Жеңишбек мырзанын мындай болочоктуу кадамдары эли-журтубузга кадимкидей дем берип, ар тармакта албан ийгиликтерди – жеңиштерди жаратканга шыктандырып дагы жатпайбы.

-Камчы мырза, мындайда иши менен ийгилик тапкан

азаматтарыбызды дароо борбордук Ак /йгө алып кетишсе, анда кантесиздер?

-Менимче, Ош шаарынын мэри өзү беш жылга милдеттүү

түрдө дайындалышы кажет! Эгерде мээнетти актап, мэр камчы салдырбастан мыкты иштесе, аны экинчи мөөнөткө дагы калтырууну сөзсүз адатка айландырсак, албетте, мындан баарыбыз тең утаарыбыз анык. А мындай практика Дүйнөнүн көп өлкөлөрүндө бар. Ал үзүрүн гана берип келатат…

Кепке тарткан: Алишер ТОКСОНБАЕВ, өз кабарчы