720 Бардыгы /

          БИШКЕК. Кыргыз Республикасынын чыгармачыл индустриясынын 25 мүчөсү, мунун арасында киносценаристтер, кинорежиссерлор жана продюсерлер АКШдан келген америкалык киносценарист Нора Уинслоу менен телесценарий жазуунун алдыңкы ыкмаларын жана көндүмдөрүн дагы абдан катуу өздөштүрүштү. Уинслоунун бул чыгармачыл иш сапары АКШнын Мамлекеттик департаментинин Борбор Азия Дизайн Хабы/IREX тарабынан жүзөгө ашырылып жаткан жана АКШнын Кыргыз Республикасындагы Элчилигинин колдоосу аркасында ишке ашырылып аткан Америка тасмаларынын көргөзмөсү долбоорунун бир бөлүгү гана болуп саналат.

          Аталган иш-чарага катышкан Кыргызстандык продюсерлердин жана киносценаристтердин телесериалдар, даректүү тасмалар жана кино тасмалар боюнча чоң тажрыйбасы бар, Борбор Азияда жакшы таанымал жана бир катары эл аралык деңгээлде таанылышкан.  Кыргыз Республикасына жасаган иш сапарынын алкагында Нора Уинслоу айым телесценарий жазуу боюнча мастер-классты дагы жетектеп, карьерасынын башталгыч катышуучулары үчүн потенциалды жогорулатуу боюнча семинар өткөрдү. Ошондой эле Согушту жана тынчтыкты чагылдыруу институту (IWPR) тарабынан уюштурулган #GoNight ачык талкуусуна дагы катышты. Жалпысынан бул иш-чаралар Голливуддун мыкты тажрыйбасын жана Голливуд стилиндеги “Жазуучунун бөлмөсү” моделин Кыргызстандын чыгармачыл индустриясынын өкүлдөрү менен кызуу бөлүштү.

          Айтмакчы, Нора Уинслоу – кино жана теле көрсөтүүдөгү сценарий жазуучусу. Ал шоуларда, мунун ичинде Miracle Workers (TBS), Future Man (Hulu) жана Netflix жана Roku долбоорлорунда иштеген. Нора Sony Animation, TBS жана Columbia Pictures сыяктуу компаниялар үчүн оригиналдуу жана ылайыкташтырылган кино жана телекөрсөтүү сценарийлерин иштеп чыккан. Жакында ал Starz каналында тартуулана  турган Minx-тин экинчи сезонунда көзөмөлдөөчү продюсер болуп иштеген. Ал эми American Film Showcase – бул АКШнын Мамлекеттик департаментинин кино алмашуу долбоору. АКШ элчиликтери менен биргеликте бул долбоор дүйнөлүк аудиторияга кино аркылуу Америка коому жөнүндө түшүнүк берет жана жергиликтүү режиссерлорду жыл сайын 60тан ашуун өлкөдө өз окуяларын айтып берүүгө үйрөтөт. Америкалык кино көргөзмөсү 2012-жылдан бери Түштүк Калифорния университетинин кинематографиялык искусство мектеби тарабынан даярдалып келет.

Алишер ТОКСОНБАЕВ, өз кабарчы