756 Бардыгы /

        БАТКЕН. Баткен облусунун борбору Баткен шаарында Тажикстандын куралдуу кол салуусунан кокус каза тапкан ишкердин уулу 40 миң тоокко ылайыкталган атайын ферма ачып жаткан чагы.

Соёку сааттарда Баткен шаарынын Чет-Булак кварталында курулуп жаткан тоок фермасынан президенттин Баткен облусундагы ыйгарым укуктуу Өкүлү Абдыкарим Алимбаев кабар алды. Ферма үчүн жабдктар Түркиядан алып келинди,. Ушул тапта  ферманын курулушу жана дагы жабдууларын орнотуу иштери дээрлик аяктады. Иш жараяны заманбап технологиянын жардамы аркасында автоматташтырылган ыкмада гана жүрөт.

Эгерде ферма пайдаланууга тапшырылса, күн сайын 35 миңге жакын жумуртка алынып, жалпы жонунан 15 жумушчу орун түзүлөт. Алдыда өндүрүлгөн продукция импорт жана экспортко дагы чыгарылат. Белгилей кетчү жагдай: тоок ферманы куруу үчүн ишкер Адилет Абдувалиевге мамлекет тарабынан 30 миллион сом жеңилдетилген насыя берилген. Баткен облусунун башчысы алгачкы автоматташтырылган ыкмада иштеген эң чоң ишкананын толук кандуу ишке кириши мамлекеттин көзөмөлүндө экендитгин дагы баса    белгиледи.

Эскерте кетээрибиз: жеке ишкер Адилет Абдувалиевдин атасы Матиса Надиров Баткен районунун Ак-Сай айылында алгачкылардан болуп тоок ферма ачып, Баткен аймагын бүт жумуртка менен толук кандуу камсыздап турган. Ишкердин фермасы 2022-жылдын сентябрь айында чек арадагы куралдуу жаңжалда бүтүндөй өрттөлүп, ал өзү каза тапкан. Атасынын ишкердигин кайра калыбына келтирүүнү максаттаган уулу Адилет Абдувалиев алты ай аралыгында жаңы ферманы түптөөгө жетишти.

Алишер ТОКСОНБАЕВ, өз кабарчы