525 Бардыгы /

БИШКЕК. Кечээ, 24-августта Кыргыз Республикасынын ИИМдин Ички аскерлеринин күнүнө карата салтанаттуу иш-чара болуп өттү.
ИИМдин Ички аскерлеринин басма сөз кызматы билдиргендей ага ылайык, майрамдык иш-чарага Кыргыз Республикасынын Ички иштер министринин биринчи орун басары, милициянын генерал-майору Адылбек Бийбосунов, Ардагерлер Кеңешинин Төрагасы Султан Жоошбаев Генералдар Кеңешинин Төрагасы Садырбек Дубанаев, Ички Аскерлердин генерал-майору Ашырбек Бакаев, Ички аскерлердин аскер кызматкерлери, ардагерлер жана чакырылган коноктор катышышты.
Салтанаттуу иш – чара Дайыр Асанов атындагы “Жеңиш” эс алуу паркында Ички аскерлердин аллеясында айкелинин ачылышы менен башталды. Кыргыз Республикасынын Ички иштер министринин биринчи орун басары, милициянын генерал-майору Адылбек Бийбосунов өз сөзүндө “Ички
аскерлердин учурдагы ишмердүүлүгүн жогору баалап, жалпы өздүк курамды Ички аскерлердин күнү менен куттуктап, кызматтарына ийгиликтерди каалады”.
Айкелдин негизги максаты – Эгемендүү мамлекеттибидин жаркын келечеги үчүн кызмат кылган Ички аскерлердин аскер кызматкерлеринин эрдиктерин даңазалоо жана келечек муунду Мекенди сүйүүгө тарбиялоо болуп саналат. Андан соң Кыргыз Республикасынын ИИМдин Ички аскерлеринин 7709 аскер
бөлүгүнүн жаңы имаратынын ачылышы болду. Иш-чаранын жүрүшүндө Кыргыз Республикасынын ИИМдин Ички аскерлеринин кол башчысы полковник Дамир Алыбаев конокторго ыраазычылык билдирип, өздүк курамды Ички аскерлердин күнү менен куттуктады.
Кыргыз Республикасынын Ички иштер министринин жана ИИМдин Ички аскерлеринин кол башчысынын буйругунун негизинде кызматта өзгөчөлөнгөн аскер кызматчылары сыйланышты. Коноктор Ички аскерлердин борбордук музейи менен таанышышты.
Салтанаттуу иш-чаранын соңунда майрамдык концерттик программа
тартууланды.