1,224 Бардыгы /

ЖАЛАЛ-АБАД. Тогуз-Торо районунун акими Манас Мураталиев айыл жергесиндеги тигүү цехтеринин иш ыргагы менен таанышты. Көк-Ирим айыл өкмөтүнүн башчысы Рыскул Секелеңов айылда тигүүчүлүк жанданып, кошумча жумуш орундары түзүлүп жатканы тууралуу маалымат берди.

Көк-Ирим айыл өкмөтүнүн имаратынан орун берилип, учурда 10 айым жумуш менен камсыз болгон. Буйрутма менен аялдардын көйнөктөрүн тигип жатышат.

Район башчысы жеке ишкерлер менен жакындан таанышып, айыл жергесиндеги жумушсуз жарандарды иш менен камсыздап жаткандыктары үчүн ыраазычылык билдирди. Ишкерлердин көйгөйлөрүн угуп, тийиштүү тармактын жетекчилерине тапшырмалар берилди.

Ага улай Бириккен улуттар уюмунун өнүктүрүү программасынын БУУӨП-ГЭФ долбоорунун алкагында жүндү кайра иштетүү жана  жамааттык топ тарабынан ачылган Айнагул Тургунбаеванын “Кыргыз даамы” нан бышыруучу цехинен кабар алды. Аталган цехте нандын жана бышырыктардын 10дон ашык түрү жасалып, 5 кыз-келин жумуш менен камсыз болгон.

Соңунда ГЭФ “Туруктуу жашоо шарттарын колдоо үчүн Батыш Тянь-Шань тоо экосистемасынын глобалдык маанидеги биоартүрдүүлүгүн жана аны менен байланышкан жер жана токой ресурстарынын сактоо” долбоорунун алкагында ачылган муниципалдык эс алуу паркынын жашылдандыруу жана көрктөндүрүү жагын колго алуу жана жерди максаттуу пайдалануу жаатында айыл өкмөт башчысына тапшырма берилди.

Белгилей кетсек, Көк-Ирим айыл аймагында жалпы 4 миңдей калк жашайт.