1,185 Бардыгы /

ЖАЛАЛ-АБАД. К.Ш. Токтомаматов атындагы Эл аралык университеттин магистранты Нурадин Рустамбек уулу Екатеринбург шаарында өткөрүлгөн Университеттик спорттун эл аралык фестивалында бокс боюнча I орунду алды.

ЭАУнун Кесиптик багыт берүүжана коомчулук менен байланыштар кызматы билдиргендей, К.Ш. Токтомаматов атындагы Эл аралык университеттин (ЭАУ, Жалал-Абад ш.) “Юриспруденция” багыты боюнча магистранты Нурадин Рустамбек уулу Россия Федерациясынын Екатеринбург шаарында 2023-жылдын 19-31-августунда өткөрүлгөн Университеттик спорттун эл аралык фестивалында бокс боюнча 71 кг салмак даражасында I орунду ээледи.

Аталган спорттук фестивалга КМШ өлкөлөрүнүн, БРИКС өлкөлөрүнүн жана Шанхай кызматташтык уюмунун спортчулары катышты. Алгач Екатеринбургда XXXII Бүткүл дүйнөлүк жайкы универсиаданы өткөрүү пландаштырылган, бирок ал FISU (Университеттик спорттун эл аралык федерациясы) тарабынан Россиянын Украинадагы согуштук аракеттеринин себеби менен белгисиз убакытка калтырылган болчу.

“Нурадин Рустамбек уулун жогорку спорттук жеңиши менен куттуктайбыз жана жаңы спорттук ийгиликтерди каалайбыз!”, -дейт ректорат.