720 Бардыгы /

ОШ. Кыргызстандын Түштүк башкалаасындагы президент  Садыр Жапаров катышкан Көкбөрү оюнунан чыккан башаламандыктан кийин жалпысынан жаңжалга аралашкан 65 киши суракка алынды. Булардын арасынан 9 адамга Кылмыш-Жаза Кодексинин «Бейбаштык» беренеси менен кылмыш иши козголуп, Кара-Суу райондук соту беш кишини эки айга камакка алды. Убактылуу кармоо жайда отурган дагы төрт адамдын бөгөт чарасы дагы эми гана каралат.

          Ал эми калган 56 кишиге Укук бузуулар жөнүндө Кодекстин «Майда бейбаштык» беренеси боюнча протоколдор түзүлүп, үңлөрүкө кое берилди. Бул туурасында Ош облустук милициясынын басма сөз кызматынан билдиришти. Аталган мекеме чогултулган видео тасмалардан окуяга катыштыгы барларды тактоо иштери жүрүп жаткандыгын дагы кошумчалады.

          Баса, Оштогу Төлөйкөн ат майданында 31-августта — өлкөнүн эгемендик күнүндө президенттин кубогу үчүн көкбөрү мелдешинин соңу чоң чыр менен аяктаган.

           Алишер ТОКСОНБАЕВ, өз кабарчы