597 Бардыгы /

ЖАЛАЛ-АБАД. Бүгүн 25-сентябрда Жалал-Абад облусунун ички иштер башкамалыгында бир катар кызматкерлер кол сааты, статуэтка, медаль, диплом жана ардак грамоталар менен сыйланышты.

Жалал-Абад ОИИБдин басма сөз кызматы билдиргендей, Кыргыз Республикасынын ИИМдин маалыматтык технологиялар башкы башкармалыгынын түзүлгөн күнүнө карата Жалал-Абад ОИИБдин  маалыматтык технологиялар бөлүмүнүн «Бирдиктүү терезе» шартында мамлекеттик тейлөөлөрдү көрсөтүү борборунун кызматкерлери ардак грамоталар менен  сыйланышты.

19-22-сентябрь күндөрү Ош шаарында милициянын кенже лейтенанты Н.Сайдиевдин  жаркын элесине арналган  Кыргыз Республикасынын ИИМдин Динамиадасында Жалал-Абад облусунан барган кызматкерлер байгелүү орундарды ээлегендиги үчүн  медаль, статуэтка жана дипломдор менен сыйланды.

Ошондой эле Белорусиянын Минск шаарында болуп өткөн Атайын күчтөрдүн ортосундагы өз ара аракеттенүү турнирине активдүү катышкандыгы үчүн жана Эл аралык, Республикалык мелдештерде байгелүү орундарды алган Кыргыз Республикасынын ИИМдин атайын багыттагы полкунун Жалал-Абад шаарындагы өзүнчө ротасынын кызматкерлерине кол сааты, статуэтка, медаль жана дипломдор тапшырылды.

Сыйлык ээлерин Жалал-Абад ОИИБдин башчысы Жеӊишбек Абитов куттуктап, бекем ден соолук, иштерине ийгиликтерди каалады.