780 Бардыгы /

ЖАЛАЛ-АБАД. Бүгүн, 16-октябрь күнү Жалал-Абад шаарында 9 кабаттан турган ипотекалык 4 турак жайдын курулушу башталды.

Жалал-Абад шаардык мэриясынын маалымат борбору билдиргендей,

курулуштун капсуласын салуу иш-чарасына Мамлекеттик ипотекалык компаниянын жетекчиси Алмамбет Шыкмаматов, Президенттин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад шаарынын мэри Эрнисбек Ормоков жана шаар тургундары катышты.

Шаар мэри Эрнисбек Ормоков “Асман резиденс” деп аталган ипотекалык турак жай комплекси, Президент Садыр Жапаровдун элди арзан турак жай менен камсыз кылуу боюнча коюлган тапшырмасынын негизинде ишке ашырылып жатканын белгилеп, ипотекалык көп кабаттуу үйлөр Жалал-Абад шаарында алгачкы ирет курулуп жатканын айтты. Ошондой эле, шаар аймагында ипотекалык үйлөрдү куруу улантылаарын кошумчалады.

“Асман резиденс” ипотекалык турак жай комплексинин жалпы аянты 1,6 гектарды түзүп, анда 1,2 жана 3 бөлмөлүү 639 батир  орун алат. Ипотекалык үйлөрдү жарандардын приоритеттүү категориясы 4%дан, бюджеттик мекемелердин кызматкерлери 6%дан, ал эми калган жарандар 8%дан алса болот.

Белгилей кетсек, ипотекалык үйлөр баштапкы төлөмү жок, 25 жылга чейинки мөөнөткө берилет.