4,335 Бардыгы /

ЖАЛАЛ-АБАД.  К.Ш. Токтомаматов атындагы Эл аралык университетте (ЭАУ, Жалал-Абад ш.) күзгү студенттик спартакиада аягына чыгып, салтанаттуу түрдө жыйынтыктары чыгарылды.

ЭАУнун Кесиптик багыт берүү жана коомчулук менен байланыштар кызматы

билдиргендей,  бул күндөрү ЭАУда шаңдуу спорт майрамы болуп, командалар арасында кызуу атаандашуулар өкүм сүрүп, чыныгы командалык достук чыңалды. Жалпы командалык эсепте I орунду Үзгүлтүксүз ачык билим берүү институтунун студенттик курама командасы ээледи, II орунду- Гуманитардык-экономикалык колледжинин командасы, III орунду- Эл аралык Кыргыз-Түрк институтунун жана Эл аралык Кыргыз-Түрк колледжинин курама командасы. Муну менен бирге спартакиадага активдүү катышкан Эл аралык медициналык колледжинин командасынын зор аракеттери, жеңишке болгон күчтүү эрки да өзгөчө белгиленди. Спартакиаданын жеңүүчүлөрү жана катышуучулары спартакиаданын кубогу, үч даражадагы дипломдор жана акчалай сыйлыктар менен сыйланышты.