696 Бардыгы /

ЖККУнун Жамааттык коопсуздук кеңешинин чечими менен бекитилген «Мыйзамсыз миграцияга каршы аракеттенүү боюнча жамааттык тутумду өнүктүрүү боюнча ЖККУга мүчө-мамлекеттердин иш-чаралар планына» ылайык Кыргыз Республикасынын аймагында ички иштер органдары тарабынан ыкчам издөө иш-чаралары жүргүзүлүп келет.
ИИМдин басма сөз кызматы билдиргендей, өлкө аймагында ички иштер органдарынын аймактык бөлүктөрүтарабынан 2023-жылдын 2-октябрынан 8-октябрына чейин «Нелегал-Кордон» аталышындагы комплекстүү ыкчам издөө иш-чаралары өткөрүлгөн.
Кыргыз Республикасынын Ички иштер министрлигинин Экстремизмге жана мыйзамсыз миграцияга каршы араркеттенүү боюнча кызматынын маалыматы боюнча, мыйзамсыз миграцияга каршы аракеттенүү боюнча бул иш-чаранын жүрүшүндө республиканын ички иштер органдарынын аймактык бөлүмдөрү
тарабынан Кыргыз Республикасынын миграциялык мыйзамдары чөйрөсүндө 768 бузуулар аныкталган.
Кыргыз Республикасынын аймагында чет элдик жумушчу күчүн тартуу жана пайдалануу эрежелерин 3 бузуу фактысы аныкталды.
Чек арадагы эмгек мигранттары тарабынан Кыргыз Республикасындагы эмгек тартибин бузган 17 факты аныкталган.
Чет өлкөлүк жарандарды жана жарандыгы жок адамдарды Кыргыз
Республикасына чакырган же кабыл алган адамдар тарабынан алардын болуусунун белгиленген тартибин бузган 364 факты аныкталган.
Чет өлкөлүк жарандар тарабынан Кыргыз Республикасында болуунун белгиленген тартибин, эмгек ишмердүүлүгүн жүргүзүүнүн же транзиттик жүрүштүн эрежелерин 330 бузуу фактысы аныкталган.
Мыйзамсыз миграцияны уюштуруу боюнча 54 факты аныкталды.
Кыргыз Республикасынын миграциялык мыйзамдарын бузгандыгы үчүн салынган айыптардын суммасы 2 409 000 сомду түзөт.
Иш-чаранын жүрүшүндө 2 ок атуучу курал алынган.
Мамлекеттик чек араны мыйзамсыз кесип өткөн 3 факты аныкталды.
Экстремизмге каршы күрөшүү боюнча 1 кылмыштын бети ачылды. 2 чет өлкөлүк жаран Кыргыз Республикасынын аймагынан чыгарылган. Ошондой эле бул иш-чаранын жүрүшүндө баңгизатын мыйзамсыз жүгүртүүгө
байланышкан 6 кылмыш аныкталып, мыйзамсыз жүгүртүүдөн 998 грамм «гашиш» баңги заты алынган. Иш-чаранын жүрүшүндө Бишкек шаарынын Биринчи Май РИИБдин тергөө кызматы тарабынан мыйзамсыз миграцияны уюштуруу боюнча 50 факты боюнча (КР Кылмыш-жаза кодексинин 168-беренеси) юридикалык компаниялардын жетекчилеринин бирине кылмыш иши козголду. Аталган ишканалардын жетекчилери алдамчылык жолу менен ишенимге кирип, Кыргыз Республикасынын жарандарын Германияга жумушка орноштуруу шылтоосу менен жалпысынан 8
миллион сомдон ашык каражатты ээлеп алышкан.
Кылмыш ишине шектүүлөр Жалал-Абад облусунда 1997-жылы туулган М.К. жана Нарын облусунда 1990-жылы туулган Б.М. кармалып, Бишкек ШИИБдин убактылуу кармоочу жайына киргизилген.