717 Бардыгы /

ОШ. Өзгөн шаарындагы байыркы базардагы мыйзамсыз соодаланган 87 миллион сомдук жер тилкеси акыры мамлекетке кайтарылды. Бул туурасында Башкы прокуратурадан билдиришти.

          Маалыматка караганда, Ош облусунун Өзгөн райондук прокуратурасы тарабынан жер мыйзамдарынын аткарылышына карата тыкыр текшерүү жүргүзүлдү. Анын жүрүшүндө Өзгөн шаарынын борбордук базарынын аймагандагы аянты 10 882,14 чарчы метрди түзгөн жер тилкеси М.А. аттуу жаранга мыйзамсыз сатылып кеткендиги аныкталды. Прокуратура тарабынан жогоруда аталган жер тилкесинин сатуу-сатып алуу келишимин жараксыз деп табуу жөнүндө сотко доо арыз келтирилип, ал толук бойдон толук канааттандырылды.

          Ошентип, жыйынтыгында 87 милион 57 миң сомго бааланган Өзгөн борбордук базарынын аймагандагы аянты 10 882,14 чарчы метрди түзгөн жер тилкеси Өзгөн шаардык мэриясынын балансына алынып, мамлекеттик каттоо органы тарабынан тийиштүү мамлекеттик акты дагы берилди.

Алишер ТОКСОНБАЕВ, өз кабарчы