903 Бардыгы /

БАТКЕН. Баткен облусундагы Раззаков шаарында мамлекеттик жана коомдук ишмер, Кыргыз Республикасынын Баатыры Исхак Раззаковдун туулгандыгынын 113 жылдыгына карата эскерүү иш-чарасы өтүп жатат.

Мааракелик иш-чарага Президенттин Баткен облусундагы өкүлүнүн биринчи орун басары Маруфхан Тулаев, президентке караштуу Мамлекеттик тил жана тил саясаты боюнча улуттук комиссиясынын төрагасы Каныбек Осмоналиев, Лейлек районунун акими Канымет Осмонбеков баштаган жетекчилер, жалпы район активи катышып жатышат. Адегенде улуу инсандын айкелине гүл чамбар коюлуп, анын арбагына багыштап куран дагы окулду. Буга улай Лейлек районунун билим берүү бөлүмү жана маданият бөлүмүнүн кызматкерлери тарабынан мамлекеттик ишмердин өмүр жолу боюнча сахналаштырылган көрүнүштөр тартууланып, илимий докладдар окулду. Ушундан соң жетекчилер Исхак Раззаковдун музейине баш багышты. Анда мамлекеттик ишмердин колдонгон буюм-тейимдери, кийим-кечелери, архивдик документтери, үй-бүлөсү жана саясий, маданий кызматкерлер менен түшкөн сүрөттөрү, сыйлыктары экспонат сыңары дагыле сакталуу.

Баткендиги эскерүү иш-чараларында Кыргыз Республикасынын Баатыры, көрүнүктүү мамлекеттик жана саясий ишмер Исхак Раззаковдун туулган күнүнүн урматына арналган иш-чара залкар инсандын өрнөктүү өмүрүн, ак эмгегин келечек муунга үлгү сыңары толук жеткирүүдө зор мааниге ээ экендиги дагы баса белгиленүүдө.

Алишер ТОКСОНБАЕВ, өз кабарчы