708 Бардыгы /

ЖАЛАЛ-АБАД. Кечээ, 30-октябрда Кыргыз Республикасынын Президенти Садыр Жапаровдун 29.01.2021-жылдагы «Инсандын руханий-адеп-ахлактык өнүгүүсү жана дене тарбиясы жөнүндө» ПЖ№1 Жарлыгынын негизинде, ошондой эле Кыргыз Республикасынын Ички иштер министри милициянын генерал-лейтенанты Улан Ниязбековдун 2023-жылдын 03-февралындагы 7 багыттагы приоритеттүү тапшырмаларды ишке ашыруу жана балдар арасында кылмыштуулуктун алдын алуу, аларга кам көрүү максатында, Жалал-Абад ШИИБдин кызматкерлери тарабынан “Ата-эне, милиция, мектеп бириксек балдарга болот келечек” аталышындагы иш-чарасы өткөрүлдү.

Жалал-Абад ОИИБдин басма сөз кызматы билдиргендей, аталган иш-чара Жалал-Абад шаарындагы Барпы театрында уюштурулуп, иш-чарага Жалал-Абад ОИИБдин башчысы милициянын полковниги Жеӊишбек Абитов, Жалал-Абад ШИИБдин башчысы милициянын полковниги Мирлан Батыров, шаардык билим берүү бөлүмүнүн башчысы Ырысбек Калчаев, жергиликтүү бийлик өкүлдөрү, психолог, дин өкүлдөрү жана 20 мектептин 500гө жакын ата-энелери катышышты.

Катышуучулар арасында “үлгүлүү ата-эне” наамына татыктуу болгон ата-энелерге Жалал-Абад ШИИБ тарабынан даярдалган грамоталар жана баалуу белектер тапшырылды. Ал эми иш-чарага демөөрчүк көрсөткөн «Эл аралык толеранттуулук» фонду жана “Сейферуорлд эл аралык” уюму болду

Ошону менен катар, балдар менен иштөөдө милициянын көчмө кабылдама унаасынын иштөө шарттары түшүндүрүлүп, катышуучуларга үй-бүлөлүк зомбулуктарды жана ар кандай укук бузууларды болтурбоо, кырсык окуялардан алыс болууга жана жаштарды сергек жашоого үндөгөн алдын алуу иштери жүргүзүлдү.