1,044 Бардыгы /

ЖАЛАЛ-АБАД. Бүгүн, 1-ноябрь күнү, Жалал-Абад облустук ички иштер башкармалыгында Кыргыз милициясынын 99 жылдыгы–кызматкерлердин кесиптик майрамы белгиленди.

Салтанаттуу иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев, облустук укук коргоо жана күч түзүмдөрүнүн жетекчилери, тармактын ардагерлери катышты.

Облус башчысы дээрлик бир кылымга жакын убакытты басып өткөн Кыргыз милициясынын күнү менен куттуктады.

“Сиздердин ишиңиздердин аркасында гана Кыргызстан туруктуу, тынч, өнүккөн жана укуктук мамлекеттердин катарын толуктап келет. Күн-түн дебей өз милдетиңиздерди аткарып, кылмыштуулукка каршы күрөшүү, укук бузуулардын алдын алуу, коомдук коопсуздукту камсыздоогу салымыңыздар чоң. Мамлекет милиция кызматкерлеринин жана алардын үй-бүлөлөрүн социалдык жактан коргоо багытындагы бир катар ири кадамдарды жасап келе жатат”,–деди Абсаттар Сыргабаев.

Иш-чаранын жүрүшүндө бир катар кызматкерлердин жумушундагы жетишкендиктери үчүн ыйгарым укуктуу өкүлдүн Ардак грамоталары тапшырылды.

Белгилей кетсек, буга чейин Жалал-Абад шаарында өткөн иш-чарада өлкө башчысы облустук ички иштер башкармалыгына 7 даана автоунаанын ачкычын берген.