1,098 Бардыгы /

          Урматтуу жердештер! “Мезгил учат зымырап” – деп айтылгандай, ана-мына дегиче, ачып көздү жумгуча эски жыл карып, жаны жыл жакындап келе жатат. Ошого байланыштуу, жаны жыл майрамын кырсыксыз өткөүү максатында адис катары ой бөлүшмөкчүбүз. Мектептерде, бала бакчаларда ж.б. окуу жайларында, мекеме, уюмдарда жаңы жыл майрамы жамаат түрүндө өткөрүлөт. Көбүнчө жаны жыл майрамы жасалгаланган балатынын айланасында өтүүсү традицияга айланып калган. Ошондуктан жаңы жыл майрамын өткөрүүдө өрт коопсуздугун сактоо эрежелерине токтолобуз.

            Балаты (ёлка) орнотулуучу бөлмөнү экиден кем эмес сыртка алып чыгуучу эшиги болуусу шарт. Балаты негизги жана кошумча сыртка алып чыгуучу эшиктерди тосуп калбоосу керек. Жаңы жыл майрамы өтүүчү бөлмөнүн ички жана сырткы электр жабдуулары атайын адис тарабынан кылдаттык менен кароодон өткөрүлүп, зарылчылык туулса тезинен ремонт, оңдоо иштерин жүргүзүү зарыл. Балаты орнотулган бөлмөнүн электролампалары жабык түрдөгү плафон менен жабылышы талапка ылайык. Мындан сырткары жаңы жылдык майрамы өтүүчү бөлмө баштапкы өрт өчүрүүчү шаймандар (огнетушитель, суунун запасы, кум) менен камсыз кылынышы зарыл. Балатыны пахта, кагаз ж.б.у.с. тез күйүп кетүүчү касиетке ээ болгон заттар менен жасалгалоого жана пиротехникалык заттарды колдонууга тыюу салынат. Жаңы жыл майрамы өтүчү бөлмөлөрдө өрт коопсуздугу боюнча инструкциялар жазылып, көрүнүктүү жерге илинип коюлуусу максатка ылайык. Мекеме, уюмдарда, мектептерде жана бала бакчаларда, дегеле жаңы жыл майрамы өтүчүү бардык мекмелерде, жаңы жыл майрамына даярдык көрүү жана аны өткөрүү мезгилинде өрт кокустуктарына жол бербөө максатында, мекеме, уюмдардын жетекчилеринин буйругунун негизинде өрт коопсуздугуна жоопкерчиликтүү адамдар дайындалышы керек. Жаңы жыл майрамы өтчүү бөлмөлөр байланыш каражаттары менен камсыз болуусу зарыл. Майрам өтчүү бөлмөлөрдө чай кайнатуу, газ жана электр приборлорун колдонууга тыюу салынат.

Урматтуу жердештер! Жаңы жыл майрамыбыз көңүлдүү өтүүчү үчүн жогорудагы өрт коопсуздугунун эрежелерин так аткарайлы. Ошондо гана кырсыктын кылтагына илинбейбиз.

Райондук өзгөчө кырдаалдар бөлүмүнүн өрт өчүүрү жана алдын алуу бөлүмү Сиздерди алдыңыздарда жаркырап, жайнап келе жаткан жаңы, 2024-жылыңыздар менен чын дилден куттуктайт, ишиңиздерге ийгилик, бакыт-таалай каалоо менен бирге дайыма кырсыктан алыс болууңуздарды тилейт.

Эстете кетебиз райондук өзгөчө кырдаалдар кызматынын телефону “101” же”112″.

Жаны жыл майраныздар көңүлдүү  өтсүн.

Базар-Коргон  райондук ӨКБнүн ӨӨжААбүн улук офицери                                                                                           улук лейтенант                                                      А.Шарипов