876 Бардыгы /

ЖАЛАЛ-АБАД. Кечээ, 26-декабрь күнү облустук Барпы театрында Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аз камсыз болгон, ата-энесинен ажыраган, ден соолугунан мүмкүнчүлүгү чектелген, окуунун алдыңкылары жана июнь окуяларынын катышуучуларынын балдарына арналган жаңы жылдык балаты майрамы өттү. Ага район-шаарлардан келген жалпы 180 бала катышты.

Иш-чарага облус башчысынын орун басары Эркинбек Маматаев катышып, жаш жеткинчектерди куттуктады. Өкүлдүн орун басары балдарга ден соолук, кең келечек, окууларына ийгилик, мамлекеттин өсүп-өнүгүүсүнө салым кошкон чыгаан инсандардан болуп тарбиялануусун каалады.

Майрамдык салтанатта облустук Барпы театрынын чыгармачыл жамааты тарабынан театралдаштырылган жомок коюлуп, концерттик программалар менен коштолду.

Мындан сырткары жаңы жыл майрамына карата ыйгарым укуктуу өкүлдүн резервдик фондунан Жалал-Абаддагы балдардын психологиялык социалдык стационардык мекемесине, Ноокен районундагы Ж. Ниязов атындагы жалпы билим берүүчү атайын көмөкчү жатак мектебине жана “Ак-Жол” облустук балдар үчүн реабилитациялык борборуна акча каражаттары бөлүндү.