717 Бардыгы /

БИШКЕК. Бүгүн, 2024-жылдын 16-январында Кыргыз Республикасынын Ички иштер министринин орун басары, милициянын генерал-майору Нурбек Абдиевдин катышуусунда ИИМдин Кылмыш иликтөө башкы башкармалыгынын 2023-жылдагы ишмердүүлүгүнүн жыйынтыгы боюнча ыкчам кеңешме өткөрүлдү.
ИИМдин Басма сөз кызматы билдиргендей, жыйынга ИИМдин Кылмыш иликтөө башкы башкармалыгынын башчысы, милициянын полковниги Каныбек Абдырахманов, анын орун басарлары жана өздүк курамы катышты.
Ыкчам жыйын башталар алдында ички иштер органдарынын кылмыш иликтөө
бөлүмдөрүндө 34 жыл эмгектенген милициянын полковниги Тилек Бейшебаевди
ардактуу эс алууга салтанаттуу узатышты.
Андан соң, ыкчам кеңешменин жүрүшүндө ИИМдин Кылмыш иликтөө башкы
башкармалыгынын 2023-жылдын 12 айындагы аткарган иштеринин жыйынтыгы
чыгарылып, артыкчылыктуу милдеттер аныкталып, ар бир багыттагы
жетишкендиктер белгиленип, кетирилген кемчиликтер талдоого алынды.
КР ИИМдин Кылмыш иликтөө башкы башкармалыгынын башчысы Каныбек
Абдырахманов өз сөзүндө, 2023-жылдын 12 айында ички иштер органдарынын
кызматкерлери тарабынан республика боюнча кылмыш иликтөө багытында жалпы
39 446 кылмыш иши тергелип, 21 908 кылмы ишинин бети ачылды.
Күн тартибине ылайык, Кыргыз Республикасынын ИИМдин Кылмыш иликтөө башкы башкармалыгынын жыйынтыктоочу ыкчам кеңешмесинин күн тартибине ылайык, өздүк курамдын ыкчам-кызматтык ишмердүүлүгү, жалпы жана уюшкан
кылмыштуулукка, экономикалык багыттагы кылмыштарга каршы күрөшүүдө
жетишилген натыйжалар, коомдук резонанс жараткан кылмыштардын бетин
ачуу, ошондой эле кызматтык тартипти бекемдөө боюнча чаралар каралды.
Ыкчам кеңешменин алкагында Кыргыз Республикасынын Ички иштер министринин
орун басары, милициянын генерал-майору Нурбек Абдиев ИИМдин Кылмыш
иликтөө башкы башкармалыгынын өздүк курамына мындан ары да тактоо
иштерин жүргүзүү, кылмыштардын бетин ачуу, кылмышкерлерди издөө жана
Кыргыз Республикасынын ички иштер органдары менен тыгыз өз ара
аракеттенүү иштерин активдештирүү боюнча конкреттүү милдеттерди койду.
Кеңешмеде башка көптөгөн маселелер талкууланып, ыкчам кызматтардын
жетекчилеринин отчеттору угулуп, артыкчылыктуу багыттар белгиленди.