771 Бардыгы /

ЖАЛАЛ-АБАД. Бүгүн, 18-январда Аксы районунун Жерге-Тал айыл аймагынын Жерге-Тал айылында фитнес залдын ачуу аземи болуп өттү. Бул тууралуу Аксы райондук мамлекеттик администрация маалымдады.

Иш-чарага Аксы районунун мамлекеттик администрация башчысы-аким З. Сыдыков, айыл өкмөтүнүн башчысы З. Көпөева, райондук мекеме ишканалардын жетекчилери, айылдык ден-соолук комитеттери катышышты.

Швейцариянын колдоосу менен Хельси-Фючер башында турган “Кыргыз Республикасынын жугуштуу эмес оорулардын алдын алуу жана эффективдүү башкаруу” долбоорунун каржылоосу менен “Дени сактык коомдун келечеги, кыймыл аракет жашоо булагы” кичи долбоорунун алкагында Жерге-Тал айылында фитнес залы ачылды.

Долбоордун сметалык баасы 1148,0 миң сомду түзгөн. Донор тарабынан 1000,0 миң сом, жергиликтүү бюджеттен 148,0 миң сом жумшалган.

Фитнес залдын ачылуусу жергиликтүү тургундар үчүн ден соолугун чыңдоого чоң өбөлгө түзүлөөрү абзел.