573 Бардыгы /

          Кыргызстандын Түштүк башлкааасында эки деңгээлдүү өтмөктү курууга даярдык башталды. Бул туурасында Ош шаарынын мэри Бактыбек Жетигенов билдирди.

          Маалыматка караганда, ушул тапта Ысакбек Монуев көчөсүн “Кыргыз Көчү” босогосунан А. Масалиев кең көчөсүнө чейинки аралыкты оңдоп-түзөө, Ысакбек монуев, Аскар Шакиров менен Алимжанов көчөлөрүнүн кесилишинде эки деңгээлдүү жер астынан, ошондой эле үстүнөн унаалар жана жөө жүргүнчүлөр үчүн курулуучу өтмөктү курууга даярдыктар башталды.

          Ошентип, бул – Ош шаарында жасалуучу негизги ири долбоорлордун бири. Мунун алкагында тиешелүү адистер тарабынан ушул тапта элге түшүндүрүү иштери, кызыл сызыктын чегинен чыгып кеткен имараттарды алып салуу, курулуш иштерин баштоо үчүн долбоордо каралган жерлерди даярдоо жараяны абдан кызуу жүргүзүлүп жаткан чагы.

Алишер ТОКСОНБАЕВ, өз кабарчы