474 Бардыгы /

Өз ара жетишилген макулдашууга ылайык, 2024-жылдын 11-февралынан тартып 18-февралына дейре Тажикстан Республикасынын Согдий облусунун Бустон шаарында Кыргыз Республикасы менен Тажикстан Республикасынын ортосундагы Кыргыз-Тажик мамлекеттик чек арасын делимитациялоо жана демаркациялоо боюнча Өкмөттүк делегацияларынын укуктук маселелер жана топографиялык жумушчу топторунун кезектеги жыйыны өткөрүлдү.

          Расмий жолугушуунун жүрүшүндө тараптар чечиле элек аймактарда биргелешкен изилдөө иштерин дагы кылдат жүргүзүшүп, Кыргыз-Тажик мамлекеттик чек арасынын 1,11 чакырымы боюнча акыры макулдашышты. Тараптар Кыргыз Республикасынын аймагында өтө турган кийинки жолугушууда калган аймактар боюнча дагы ишин ырааттуу түрдө улантат.

          Ошентип, Тажикстан Республикасынын Согдий облусунун Бустон шаарындагы жолугушуунун жыйынтыгында тиешелүү протоколго дагы кол коюлду. Бул кездешүү достук маанайда жана өз ара түшүнүшүү кырдаалында гана жүрдү.

          Алишер  ТОКСОНБАЕВ, өз кабарчы