423 Бардыгы /

ЫСЫК-КӨЛ. Бүгүн, 26-февраль күнү Ысык-Көл облусунун аймагында өткөрүлүп жаткан “Коопсуз өлкө –туруктуу келечек” аталышындагы элдин коопсуздугун чыңдоого арналган форумдун алкагында ички иштер министринин орун басары милициянын генерал-майору Октябрь Урмамбетов Ысык-Көл облусунун ички иштер башкы башкармалыгынын шаар, райондук ички иштер бөлүмдөрүнүн айылдык милиция бөлүмчөлөрүнө “ВАЗ-НИВА-21214” үлгүсүндөгү жаңы 18
кызматтык унааны тапшырды. ИИМдин басма сөз кызматы билдиргендей, алыскы райондордо иш алып барып жаткан тартип сакчылары үчүн бул кубанычтуу жаңылык болду.
Ал эми жаңы кызматтык унаалар укук бузуулардын алдын алуу, кылмыштуулук
менен күрөшүү жана Ысык-Көл ОИИБдин материалдык-техникалык базасын
чыңдоо, калкты тейлөөнүн сервистик сапатын жакшыртуу максатында
Ысык-Көл, Түп, Ак-Суу, Жети-Өгүз, Тоң, райондук жана Балыкчы, Каракол
шаардык ички иштер бөлүмдөрүнүн милициянын айылдык бөлүмчөлөрүнө жана
Ысык-Көл ОИИБдин Коомдук коопсуздук кызматына өткөрүлүп берилди. Бул
унаалар иштин алга жылуусуна, жарандар менен тыгыз иштешүүдө чоң өбөлгө
түзмөкчү.