363 Бардыгы /

ЖАЛАЛ-АБАД. Жалал-Абад шаардык мэриясы ысырапкорчулуктун алдын алуу максатында жарандарга маркумду жерге берүүдө мал-жандыктардын союлбашы керектигин эскертет.

Жалал-Абад шаардык мэриясынын маалымат борбору билдиргендей,

эскертүүгө баш ийбеген жарандарга айып пул салынат.

“Андыктан барыңыздарды ысырапкорчулуктан алыс болууга чакырабыз”,- дейт шаардык мэрия.

Белгилей кетсек, Президенттин «Кыргыз Республикасында үй-бүлөлүк салтанаттарды жана маркумду жерге берүүдөгү үрп-адаттарын тартипке келтирүү боюнча чаралар жөнүндө» жарлыгын турмушка ашыруу максатында, каада-салттарды, салтанаттарды жана үрп-адаттарды, үйлөнүү-үлпөт тойлорун, үй-бүлөлүк мааракелик салтанаттарды, маркумду эскерүү жана маркумга арналган иш-чаралардын өткөрүлүшүн көзөмөлгө алуу боюнча шаардык мэриянын алдында атайын жумушчу топ түзүлгөн. Учурда жумушчу топ бул багытта иш алып барууда.