453 Бардыгы /

Чынарбек Кадыркулов райондук суу чарба башкармалыгынын башчысы болуп кеткендигине байланыштуу, айыл өкмөттүн башчылыгына резерв кадрда турган Улукбек Керимкулов Кош-Дөбө айыл өкмөтүнүн башчысы болуп жаңыдан дайындалды.

Кош-Дөбө айылында элдин, депутаттардын, айыл өкмөтүнүн аппаратынын, айыл аксакалдарынын катышуусунда чогулуш болуп, жаңы айыл өкмөт башчысын Аксы районунун акими Замирбек Сыдыков тааныштырып буйрукту окуп берип, ийгиликтерди каалады. Кош-Дөбө айыл өкмөтүнүн башчысы Чынарбек Кадыркулов, айыл аксакалдары Алишер Чыныбеков, Рахман Халилов, айылдык кеңештин төрагасы Кубаныч Дөлөтбеков, Кашка-Суу айыл өкмөтүнүн башчысы Шекербек Камчыбек уулу чыгып сүйлөп жаңы өкмөт башчыга ийгиликтерди каалашты.

Кош-Дөбө айыл өкмөтүнүн башчысы болуп дайындалган Улукбек Керимкулов райондогу Кашка-Суу айыл аймагын үч мөөнөткө жетектеп бир топ ийгиликтерди жаратып, мыкты иши менен көрүнгөн дасыккан адис, жетекчи. Эл журтка, айылдык кеңештин депутаттарына ыраазычылык билдирди. Жаңы айыл өкмөт башчысына ийгиликтерди каалайбыз.

Абдымомун КАЛБАЕВ, Аксы району