ЖАЛАЛ-АБАД ШААРЫНДАГЫ ЖАЛГЫЗ СОГУШ АРДАГЕРИ АКЫРКЫ САПАРГА УЗАТЫЛДЫ

ЖАРЫЯ-ЖАРНАК / РЕКЛАМА

ticket title: СУЗАК КАРЫЛАР ҮЙҮ ИШКЕ ЧАКЫРАТ; Аукцион С.АТАБЕКОВ АЙЫЛ ӨКМӨТҮ; КАБА ТОКОЙ ЧАРБАСЫ сынак жарыялайт; Сынак САЙДЫКУМ АЙЫЛ ӨКМӨТҮ; СООДА-САТЫК 2 (20.8.2024-ж.); СООДА-САТЫК (20.08.2024-ж.); СЫНАК Орток токой чарбасы; Соода-сатык (02.04.2024-ж.); Объявляет тендер на оказание услуг; Аукцион АТАБЕКОВ АЙЫЛ ӨКМӨТҮ; СООДА-САТЫК (27.02.2024-ж.); Аукцион БЕШИК-ЖОН АЙЫЛ ӨКМӨТҮ; Сынак АРСТАНБАП АЙЫЛ ӨКМӨТҮ; СООДА-САТЫК; Аукцион ДОСТУК АЙЫЛ ӨКМӨТҮ; Соода-сатык; Конкурс ЖАМУ; КУЛАКТАНДЫРУУ Таш -Көмүр шаарынын мэриясынын алдындагы муниципалдык менчик департаменти; АУКЦИОН Могол айыл аймагы

ЖАЛАЛ-АБАД ШААРЫНДАГЫ ЖАЛГЫЗ СОГУШ АРДАГЕРИ АКЫРКЫ САПАРГА УЗАТЫЛДЫ

27.03.2024 / Автор anarkan_kg

375 Бардыгы /

ЖАЛАЛ-АБАД. Кечээ, 26-март күнү шаардагы Улуу Ата Мекендик согуштун жалгыз ардагери Сафин Гаффан жерге берилди. Ардагер кечээ, 25-мартта 99 жашында дүйнө салган.

Жалал-Абад шаардык мэриясынын маалымат борбору билдиргендей, акыркы сапарга узатуу зыйнатына Жалал-Абад шаардык кеңешинин төрагасы Нуртилек Орозбаев, мэрдин орун басары Гүлбарчын Таштанбекова, Орусиянын Ош шаарындагы Башкы Консулдугунун консулу Бахтин Константин Владимирович,

Президенттин Жалал-Абад облусундагы ыйгарым укуктуу өкүлчүлүгүнүн жана шаардагы мекеме-ишканалардын кызматкерлери, аскер кызматкерлери, шаар тургундары катышты. Алар ардагердин эрдигине токтолуп, маркумдун үй-бүлөсүнө жана жакындарына көңүл айтышты.

Кошумчалай кетсек, Улуу Ата Мекендик согуштун ардагери Сафин Гаффан Башкыр АССРинде туулган. Советтик Армиянын катарында 1943-жылдан тарта кызмат өтөгөн. Ал Жалал-Абадга 1954-жылы көчүп келген.

Ардагер Улуу Ата Мекендик согуштун II даражадагы, “Германияны жеңүү” жана башка медалдар менен сыйланган.