483 Бардыгы /

Жамааттык коопсуздук жана кызматташуу Уюмунун (ЖККУ) башкы катчысы Имангали Тасмагамбетов менен Бириккен Улуттар Уюмунун баш катчысынын Ооганстан боюнча атайын өкүлү, Ооганстанга жардам көрсөтүү миссиясынын жетекчиси (UNAMA) Роза Отунбаева жолугушту. Анда ЖККУ Ооганстандын көз карандысыз, бирдиктүү жана террорчооулуктан, согуштан жана маңзаттан алыс мамлекет болушуна кызыкдарлыгы айтылды. Бул туурасында ЖККУнун маалымат кызматынан кабарлашты.

БУУнун баш катчысынын Ооганстан боюнча атайын өкүлү, Ооганстанга жардам көрсөтүү миссиясынын жетекчиси Роза Отунбаевааймактагы тынчтык жана туруктуулукту камсыздоо үчүн БУУнун түздөн-түз колдоосу аркасында иштеп жатышкан Эл аралык көмөк көрсөтүүнүн негизги багыттары, Ооганстандын эл аралык коомчулукка аралашуусу боюнча кеңири баян этти. Буга улай өлкөнүн ичиндеги саясий өңүттөгү өзгөрүүлөр жана дагы өнүгүүлөр туурасында дагы өзүнчө кеп кылды. Ал эмит ЖККУунун башкы катчысы Имангали Тасмагамбетов ЖККУга мүчө өлкөлөр Ооганстандын көз карандысыз, бирдиктүү жана террорчулуктан, согуштан, баңгизаттан алыс мамлекет болушун каалаарын айтты. Эске салсак, буга чейин аталган уюмдун Евразиядагы орду жана мааниси арта тургандыгы белгилеген. Тасмагамбетовдун айтымында, эскилери көбүртүп-жабыртылып, жаңы чатактар от алып, «Дүйнөлүк мурдагы тартип бузулуп» жаткан шартта аскердик-саясий союздаштыкка кадимкидей муктаждык жаралууда.

-Бул мыйзам ченемдүү көрүнүш жана тарых аны тастыктоодо. Аны менен кошо алганда ЖККУ бир топ эле пайдалуу шарттарды сунуштап жатат, — деп коршумчалады ЖККУнун башкы катчысы Имангали Тасмагамбетов.

Ал ошондой эле ЖККУнун башкы артыкчылыктарынын бири катары «Блоктук катуу дисциплинанын» жоктугун, уюмдун алкагында чечимдердин демократиялык мүнөздө кабыл алынышын дагы белгиледи. Кризистик кырдаалды жөнгө салууда ЖККУ биринчи орунга саясий-дипломатиялык ыкмаларды коюп, ага маани берет.

ЖККУнун башкы катчысы Имангали Тасмагамбетов тынчтык орнотуучу ишмердүүлүктү ЖККУнун кеңейишиндеги өзүнчө программа, же уюмдун алкагындагы кызматташуунун жаңы форматтарынын жаралышы деп атаган. Келечекте тынчтык орнотуучуларга муктаждыктын өсө турганын өкүнүү менен белгиледи.

Алишер  ТОКСОНБАЕВ, өз кабарчы