471 Бардыгы /

ЖАЛАЛ-АБАД. “Кыргызнефтегаз” ачык акционердик коому ушул жылы кубаттуу бургулоочу жаңы техниканы ишке киргизди. Бул тууралуу аталган ишкананын маалымат кызматы билдирди.

“Кыргызнефтегаз” ачык акционердик коому 384 602 138 сомго ZJ-40 атылышындагы кубаттуу стационардык бургулоочу агрегатты Кытай Эл республикасынан сатып алган. Мунай өндүрүүдө аталган техниканын орду чон мындан улам бул компания үчүн чоң жетишкендик. Учурда ишканада 7 бригадалык топ бургулоо иштерин жүргүзүүдө.

Учурда жалпысанан КНГнын балансындагы бургулоочу техникалардын тизмеси.

ZJ-15 – 1 даана

ZJ-40 – 2 даана

Барс- 140- 1 даана

Бу-75Бр Э- 1 даана

Уралмаш 4Э -2 даана

Ал эми өткөн 2023-жылы мекемеге Россиянын “Автократ” ишканасы “Барс-140” аталышындагы жүк көтөрүмдүүлүгү 140 тоннага барабар болгон мунай скважиналарын бургулоочу агрегатын жасап берип, ишке киргизген.

Акыркы 3-жылда “Кыргызнефтегаз” ААКу материалдык техникалык базасын жакшыртууга өзгөчө көңүл буруп келет. тагырагы 90 даана жаңы атайын техника сатып алынган. Бүгүнкү күндө Технологиялык транспорт башкармалыгында 332 даана техника бар.

Бүгүнкү күндө «Кыргызнефтегаз» ачык акционердик коому өлкөбүздүн мунай жана газ өндүрүү боюнча эң ири ишкана болуп саналат.

Акыркы 3-жыл аралыгындагы ишкананын негизги техникалык-экономикалык көрсөткүчтөрүнө токтолуп өтсөк.

Мунай өндүрүү:

2023-жыл 184 мин тонна

2022-жыл 178 мин тонна

2021-жыл 173 мин тонна өндүрүүгө жетишкен.

Газ өндүрүүдө да жылыштар бар:

2023-жыл 27млн м3

2022-жыл 29 млн м3

2021-жыл 22 млн м3 аткарылды.

2023-жылдын жыйынтыгы менен таза киреше 2 621,2 млн.сомго аткарылды.

Ал эми 2023-жыл аралыгында бюджетке: салык төлөмү 1 млрд 477 млн. сом, Соцалдык камсыздандырууга 469 млн. сом, ошондой эле мамлекеттик үлүшкө болгон дивиденттин төлөмү 857 млн. сомду түздү. Баардыгы болуп мамлекетке болгон төлөмдөр 2 млрд 803 млн сомго аткарылды.

«Кыргызнефтегаз» акционердик коомунун балансында иштетилип жаткан 14 мунай жана газ кени бар. Анын ичинен 3 лицензиялык аймакта изилдөө, чалгындоо багытында.