381 Бардыгы /

Ош облусунун Кара-Кулжа районундагы Ой-Тал кыштагында айылдык оорукана бар эле. Ал беш керебетке (койкага) ылайыкташтырылып, бейтаптар стационарлдык режимде гана дарыланышчуу.

Өткөн кылымдын 1957-жылында курулган Ой-Тал авариалдык оорканасында төрөт бөлүмү дагы иштеп, кош бойлуу келиндер-аялдарды төрөтүп ушул жерде эле кабыл алчуубуз, – деди Кара-Кулжа районундагы № 13-Ой-Тал үй-бүлөлүк дарыгерлер тобюунун башкы медайымы Канымжан Абдымомунова. – Тилекке каршы, Саламаттыкты сактоо министрлиги оптимизациялоо мыйзамына ылайык бул айылдык оорукана менен кошо төрөт бөлүмүнүн дагы ишмердүүлүгүн токтотуп, ушугезде амбулатордук тартипте эле иштеп жатабыз.

Анткени менен, Кара-Кулжа районундагы Ой-Тал Айылдык ооруканасында уушул тапта дарыгер абдан таңкыс! Бул жакка келгендери деле бир жылга жетип-жетпей кетип калышууда. Климаты катаал шартка жергиликтүүүлөрдөн башка пенде дегеле чыдагыдай жана көнгүдөй эмес! Ой-талдыктар өтө зарыкканда коңшулаш Кызыл-Жар аймактык ооруканасынан дарыгер жалдап чакыртышып, айласы куп гана куруган маалы.

Алишер ТОСКОНБАЕВ, өз кабарчы