309 Бардыгы /

ЖАЛАЛ-АБАД. Бүгүн Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев Аксы районунун Ак-Жол айыл аймагынын Кечү айылына барды. Бул тууралуу маалымат кызматы билдирди.

Абсаттар СыргабаевАк-Жол айыл аймагынын Кечү айылында жаан-чачындагы сел коркунучу жогорулап, айылдын негизги каттамындагы жолго кооптуулук жаралган участкаларын көрдү. Абал менен жеринен таанышкан облус башчысы айылдагы жолдун жабыркаган аралыгын калыбын келтирүү үчүн каражат маселесин чечүүгө көмөк көрсөтөөрүн белгиледи. Ага катара жергиликтүү бийликке жана жол тейлөө ишканасынын кызматкерлерине суу өткөрүүчү түтүктөрдү орнотуу боюнча сметалык долбоорлорду даярдоону тапшырды.

Белгилей кетсек, Аксы районунун Ак-Жол айыл аймагынын Кечү айылында төрт миңге жакын калк жашайт.