513 Бардыгы /

Өзбекстандын Фергана шаарында Кыргызстандын министрлер кабинетинин төрагасынын орун басары –Улуттук коопсуздук мамлекеттик комитетинин төрагасы Камчыбек Ташиев, Тажикстандын Улуттук коопсуздук мамлекеттик комитетинин төрагасы Саймумин Ятимов жана Өзбекстандын Мамлекеттик коопсуздук кызматынын төрагасы Абдусалом Азизовдун жолугушту.

Кыргызстандын атайын кызматынан билдиришкендей, бул жолугушуунун жүрүшүндө тараптар ачык жана конфиденциалдуу түрдө аймактык коопсуздукту такай камсыз кылуу көйгөйлөрүнүн бардык комплексин кең-кесири талкуулашты. Терроризмге, экстремизмге, маңзаттарды мыйзамсыз жүгүртүүгө, мыйзамсыз миграцияга, контрабандага жана транс чек аралык мүнөздөгү башка коркунучтарга каршы дагы күрөшүү өёдөнгөн өтө актуалдуу чөйрөлөрдө өз ара аракеттенүүнүн абалы жана келечеги боюнча дагы пикир алмашуу жүрдү. Мындан тышкары тараптардын мамлекеттеринин ортосундагы чек ара кызматташтыгы жана коңшулук мамилелерди өнүктүрүү үчүн жагымдуу шарттарды түзүү маселелери үстөккө-босток козголду.

Аталган сүүйлөшүүнүн жүрүшүндө Кыргызстан менен Тажикстандын ортосундагы мамлекеттик чек араларды делимитациялоого байланышкан күн тартибиндеги маселелер, ошондой эле Кыргызстан жана Өзбекстандын ортосундагы чек араны демаркациялоо маселелери конструктивдүү түрдө каралды. Жолугушуунун катышуучулары Кыргыз-Тажик мамлекеттик чек арасын делимитациялоо жана Өзбек-Кыргыз мамлекеттик чек арасын демаркациялоо жараянын тездетүү боюнча макулдашууларга жетишип, тараптардын өз ара кызыкчылыктарынын негизинде бул маселелерди чечүү боюнча практикалык чаралар дагы кошо белгиленди.

Ошентип, Өзбекстандын Фергана шаарындагы сүйлөшүүлөрдүн жыйынтыгында Кыргыз-Тажик өкмөттөр аралык комиссиясынын мүчөлөрүнө чек аранын калган тилкелерин биротоло макулдашуу, тиешелүү эки тараптуу келишимди даярдоо жана кол коюу боюнча конкреттүү тапшырмалар дагы берилди.

Алишер ТОСКОНБАЕВ, өз кабарчы