246 Бардыгы /

ЖАЛАЛ-АБАД. Бүгүн, 8-август күнү Аксы районундагы Кош-Дөбө айыл өкмөтүнүн жаңы башчысын- Базылбекова Нурзат Ныязбековнаны Аксы райондук мамлекеттик администрациясынын башчысы-акими Замирбек Сыдыков айыл өкмөттүн жамаатына тааныштырып, ишинде ийгиликтерди каалады.

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 11- беренесинин1-пунктунун 5-жана 53 – беренесинин негизинде Базылбекова Нурзат Ныязбековна Аксы районундагы Кош-Дөбө айыл өкмөтүнүн башчысы болуп дайындалды. Тийешелүү буйрукка Аксы райондук мамлекеттик администрациясынын башчысы-акими Замирбек Сыдыков кол койгон.

Жаңы кызмат орду менен Аксы райондук социалдык фонд башкармалыгынын башчысы Ашымкан Мамасыдыков, Кош-Дөбө айылдык кеңешинин төрагасы Кубанычбек Дөөлөталиев куттукташып, ийгиликтерди каалашты. Андан соң жаңы айыл өкмөт башчыга айыл аксакалдары бата беришти.

Кош-Дөбө айыл өкмөтүнүн жаңы дайындалган башчысы Нурзат Базылбекова ыраазычылык билдирип бардык күч аракетин, билим- тажрыйбасын эл үчүн жумшап эмгектене тургандыгын билдирди.

Абдымомун КАЛБАЕВ, Аксы району