27 Бардыгы /

Кыргызстандын Түштүк башкалаасында жапжаңы муниципалдык базардын айланасындагы мурда пайдаланылбай турган үч кошумча жолду ачуу жана жаңы жолдорду салуу иштери абдан кызуу жүрүп жатат. Бул туурасында Ош шаарынын мэри Бактыбек Жетигенов билдирди.

Маалыматка караганда, иш ыргагынын жүрүшү боюнча жеринде сын-сунуштар, толуктоолор айтылып, жасалып жаткан жолдорду сапаттуу, белгиленген мөөнөтүндө аткаруу тапшырмасы дагы коюлду.

– Кошумча жолдорду ачуу менен бирге «Барсбек каган» айланма жолун кеңейтүү боюнча дагы иштер аткарылып жатат. Аталган жол кеңейтилсе, Ош-Араван жолундагы унаа тыгынынын алды алынып, унаа каттамдары бир топ жакшырат, – деп кошумчалады Ош шаарынын мэри Бактыбек Жетигенов

Бирок, Кыргызстандын Түштүк башкалаасынын жетекчиси бул жолдор качан пайдаланууга тапшырылаарын ачык айткан жок….

Алишер ТОКСОНБАЕВ, өз кабарчы