54 Бардыгы /

 “Ыйман” фонду, Король Салман гуманитардык жардам борбору менен түзүлгөн келишимге ылайык “Кыргыз Республикасындагы муктаж үй-бүлөлөрдү колдоо үчүн азык-түлүк жардамы 2024” долбоорунун алкагында, Жалал-Абад облусунун район, шаарларындагы аз камсыз болгон 2060 үй-бүлөгө азык-түлүк жардамы көрсөтүлдү.

Жалал-Абад шаарындагы муктаж үй-бүлөлөргө гуманитардык жардам тапшыруу иш-чарасына Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Максат Сыдыков катышты.

Кайрымдуулук фонддун өкүлдөрүн Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев кабыл алып, облустун калкынын аярлуу катмарында жашаган тургундарга колдоо колун сунгандыгы үчүн ыраазычылык барактарын тапшырды.

Белгилей кетсек, гуманитардык жардамдар Кыргыз Республикасынын Эмгек, социалдык камсыздоо жана миграция министрлигинин тизмесине катталган аз камсыз болгон үй-бүлөлөргө бөлүштүрүлгөн.