3 Бардыгы /

Кыштын каары эми гана күчүнө кирди. Катуу ызгаар Ош облусуна караштуу Өзгөн районунда дагы өз өкүмүн өтө катуу сүрө баштады. Ошого карабастан Өзгөн райондук электр тармактары ишканасынын кызматкерлери үзгүлтүксүз калк кызматында дагыле күнү-түнү ак кызматта турушат.

        Нурсултан ОРОЗБАЕВ, Өзгөн райондук электр тармактары ишканасынын жетекчисинин орун басары: – Өзгөн району боюнча жалпы жонунан 50 миң туруктуу кардарыбыз бар. А булардын 46 миң 700ү – жергиликтүү тургундар. Ал эми 3300ү – мекеме-ишканалар. Дал ушуларды биздин үзүгүлтүксүз электр энергиясы менен камсыз кылуу аркетеибиз абдан күч! Мына жакын арада Кара-Шоро жергесинде чакан ГЭС курулат. Мындай болочоктуу аракет биздин түмөн түйшүгүбүздү ого бетер жеңилдетет дегег терең ишеничтебиз! Анткени, санариптештирүүнүн куп гана пайдасы тийип, электр энергиясын пайдалануу акысы «МОЙ СВЕТ» тиркемесине ылайык МБанк  аркылуу гана төлөнөт. Анда баары дапданаа көрүнүп турат. Цифраны – маалыматты оңдоп-түзөө, же алымчалоо жана кошумчалоо – бурмалоо дегеле мүмкүн эмес!

        Рысбек БАКТЫГУЛ уулу, Өзгөн райондук электр тармактары ишканасынын башкы инженери:

– Келерки 2025-жылдан тартып кардарларыбыздын үйлөрүнө «Акылдуу эсептегичтерди» катарынан орното баштайбыз. Районубуздун аймагында 784 көмөкчү чордонубуз бар. Булардын жалпы жонунан кубаттуулугу 1 миллион 160 миң 25 киловатт. Ал эми электр чубалгыларыбыз 952 чакырымды үзгүлтүксүз тейлеп келатат. Албетте, эскирген трансформаторлорубузду (көмөкчү чордондорубузду) заман талабына жараша улам жаңылап турабыз. Маселен, жыл сайын 120 трансформаторду алмаштырып, жаңылап гана атабыз.

        Биздин эки маектешибиз – Өзгөн райондук электр тармактары ишканасынын жетекчисинин орун басары – Нурсултан ОРОЗБАЕВ жана Өзгөн райондук электр тармактары ишканасынын башкы инженери Рысбек БАКТЫГУЛ уулу  он жылдан ашык убакыттан бери аталган ишканада үзгүлтүксүз эмгектенип келатышат. Экөө тең ОшТУнун энергетика факультетин ийгиликтүү бүтүрүшкөн. Эми ушул тапта тоолуу Өзгөн жергесин үзгүлтүксүз электр кубаты менен камсыз этип жатышкан чагы.

Алишер ТОКСОНБАЕВ, өз кабарчы