45 Бардыгы /

Алай районунда ата-эне камкордугунан ажыраган жетим балдар жер тилкесине ээ болушту.

КРдин Башкы прокуратурасынын маалымат кызматы билдиргендей, Ош областынын Алай районунун прокуратурасы тарабынан жүргүзүлгөн текшерүүдө, Алай районунун Гүлчө айыл өкмөтү тарабынан 2021-жылдын 22-декабрындагы токтомунун негизинде жалпы аянты 836,0 чарчы метр түзгөн  жер тилкеси Жер кодексинин талаптарын бузуу менен жеке жаранга мыйзамсыз ажыратылып берилгендиги аныкталган. Анын алкагында райондук прокуратура тарабынан Ош областынын  административдик сотуна доо арыз келтирилип, жыйынтыгы менен аталган жер тилкесине берилген тийиштүү документ жараксыз деп табылып, муниципалдык менчикке кайтарылган.

Андыктан Кыргыз Республикасынын мыйзамдарына ылайык, тоголок жетим балдардын укуктарын коргоо максатында, жогоруда көрсөтүлгөн  836,0 чарчы метр жер тилкесин эки өзүнчө бирдикке бөлүү менен Гүлчө айыл аймагында каттоодо турган тоголок жетим балдарга ажыратып берүү тууралуу Гүлчө айыл өкмөтүнүн дарегине прокурордук акт келтирилип, анын кароосунун жыйынтыгы менен тоголок жетим балдар 2008-жылы туулган М.Р. 416,0 чарчы метр жана 2007-жылы туулган А.Г. 420,0 чарчы метр жер тилкелери турак жай куруу үчүн бөлүнүп, жер тилкелерине болгон жеке менчик укугу жөнүндө мамлекеттик актылары берилди.