45 Бардыгы /

Бүгүн, 19-декабрында “КУЭТ” ААКтын филиалы Жалал-Абад электр тармактар ишканасында Кыргыз Энергетика системасынын 90 жылдыгына жана энергетиктердин кесиптик майрамына карата салтанаттуу иш-чара уюштурулуп, ардактуу кызматкерлер сыйланды. Бул тууралуу аталган ишкананын маалымат кызматы билдирди.

Иш – чарада ишкананын бир жылдык жумушунун жыйынтыгы көрсөтүлүп, бул жыл аралыгында Жалал-Абад электр тармактар ишканасында көптөгөн ийгиликтүү жумуштар аткарылгандыгына баары күбө болушту. Ошону менен бирге талыкпай иштеп келген кызматкерлерге эмгегин баалап, ардак грамоталар, акчалай сыйлыктар тапшырылды.

Жалал-Абад электр тармактар ишканасы жалпы энергетиктерди кесиптик майрамы жана Кыргыз Энергетика системасынын 90 жылдык маарекеси менен куттуктайт! Сыймыктуу, ары түйшүктүү иштериңиздерде ардайым ийгиликтер болсун, ар бир үйгө жарык жана жылуулук тартуулап, жасаган эмгектериңиздер жогору бааланып, бекем ден соолукта болуңуздар!

Кесиптик майрамыңыздар менен!